പഠിക്കാനായാലും കളിക്കാനായാലും കുട്ടികള്ക്ക് പോഷകഗുണമേന്മറെയുള്ള ഭക്ഷണം ആവശ്യമാണ്. പഠിക്കുന്ന കുട്ടികളുടെ ആരോഗ്യകാര്യത്തില് പ്രത്യേക ശ്രദ്ധ കൊടുക്കണം. അസ്ഥികളുടെയും മസിലുകളുടെയും വളര്ച്ചയ്ക്കുമാത്രമല്ല ബുദ്ധിവളര്ച്ചയ്ക്കും നല്ല ഭക്ഷണം കുട്ടികള്ക്ക് കൂടിയേതീരൂ.
പഴയകാലത്തെ അപേക്ഷിച്ച് ഇന്നുള്ള കുട്ടികള് മാനസികമായി വളരെ അധ്വാനിക്കുന്നവരാണ്. അതിനാല് സമീകൃത ആഹാരമാണ് ഈ പ്രായത്തിലുള്ള കുട്ടികള്ക്ക് ആവശ്യം. പാല്, പാലുല്പ്പന്നങ്ങള്, പഴങ്ങള്, പച്ചക്കറി, സംസ്കരിച്ച പഴങ്ങള്, പയര് വര്ഗ്ഗങ്ങള് തുടങ്ങിയവ ആഹാരത്തില് ഉള്പ്പെടുത്തണം.
